ABERTO O PRAZO PARA PRESENTAR SOLICITUDES A TRES PRAZAS DA BOLSA DE EMPREGO DO CONCELLO
O concelleiro de Persoal e Recursos Humáns, Pablo Mauriz, indicou que hai tres prazas e que se poderán solicitar ata o 11 de febreiro, incluído
Narón, 3 de febreiro de 2020. O concelleiro de Persoal e Recursos Humáns de Narón, Pablo Mauriz, indicou que está aberto o prazo ata o 11 de febreiro (incluído) para presentar solicitudes a tres prazas ofertadas a través da bolsa de emprego do Concello. Unha delas é para Conserxe (Grupo C2) e para a que se require como requisito o graduado en ESO, outra de administrativo (Grupo C1) e para o que se require o título de Bacharelato ou técnico e unha terceira de Auxiliar administrativo (Grupo C2) para a que os aspirantes deben ter o graduado en ESO. Os datos xerais de cada unha destas prazas, así como a documentación a entregar pode consultarse ao completo a través da Sede Electrónica do Concello –sedeelectronica.naron.es-, no apartado “Bolsa de empego”.
A instancia e a documentación deben entregarse na área de Persoal, no quinto andar do Concello, ou a través da Sede Electrónica do Concello de Narón.