O novo horario manterase ata o vindeiro 8 de setembro tanto na sala de adultos como na infantil e na Bebeteca
Narón, 24 de xuño de 2019. A Biblioteca municipal de Narón abrirá a partir de mañá as súas portas no habitual horario de verán, que se manterá ata o día 8 de setembro. A sala de adultos abrirá de martes a venres entre as 9.00 e as 14.00 horas e polas tardes os luns e mércores entre as 18.00 e as 21.00.
No caso da Bebeteca e a sala infantil, os horarios serán de martes a venres entre as 10.00 e as 13.00 e os luns e mércores polas tardes, de 18.00 a 21.00.
A atención ao público e a sala de informática deixarán de estar operativas sempre quince minutos antes do horario de peche das instalacións.