Desenvolvido por seis educadoras distribuidas en distintas zonas do termo municipal de Narón
A Concellería de Participación Cidadá ven de por en marcha un programa de Dinamización e Participación Cidadá, que desenvolverá un grupo de 6 educadoras distribuidas nas distintas zonas do termo municipal de Narón. Serán as encargadas de informar, cooperar e traballar coa cidadanía en xeral e co movemento asociativo en varias liñas de acción:
a) facilitar información sobre recursos e programas municipais, sobre todo os servizos persoais á comunidade.
b) analizar e sistematizar datos e inquedanzas de asociacións e cidadáns que permitirá ó Concello reformular e programar recursos tendo en conta eses datos.
c) cooperar coas entidades asociativas, asesorando e colaborando para a organización de actividades.
d) desenvolver estratexias de dinamización comunitaria tales coma mesas temáticas sobre educación para a saúde, a convivencia veciñal e interxeneracional, ou o aforro enerxético.
O programa de Dinamización e Participación Cidadá é un servizo gratuito, e os interesados en participar poden recabar máis información no Servizo Sociocomunitario Municipal (1º andar do Concello) ou ben chamando ó número de teléfono 981 33 77 00 (extensión 4108).