Narón, 30 de novembro de 2023. O Padroado da Cultura abrirá mañá venres o prazo para o pago do segundo prazo das matrículas das Escolas municipais e tamén para aquelas persoas que desexen formalizar novas matrículas naquelas escolas nas que aínda queden prazas vacantes. O prazo para realizar estes trámites manterase aberto ata o vindeiro 15 de decembro, tal e como se indicou dende o Padroado da Cultura. As matrículas pódense formalizar nas oficinas do Pazo da Cultura, de luns a venres en horario de 9.00 a 13.00 e os xoves de 17:00 a 19:00 (excepto do 6 ao 10 de decembro, por festivos que estarán pechadas as oficinas), podendo solicitar máis información ao respecto chamando ao número de teléfono 981 391 144 (extensión 2806) ou a través do correo electrónico: mc.blanco@naron.gal.