Narón, 19 de abril de 2024. O Padroado da Cultura de Narón e a Sociedade Cultural Areosa, de Piñeiros, organizan a sexta edición do Festival de coros de Narón, que terá lugar este sábado, día 20, no Auditorio municipal, na Praza de Galicia. A convocatoria dará comezo ás 17:30 horas, e na mesma, tal e como indicaron dende a organización, actuarán a Coral Polifónica de Tapia de Casariego (Asturias); a Coral de Baredo, de Baiona (Pontevedra); a Coral Polifónica de Chantada (Lugo) e a Coral Areosa (Narón). A entrada a este evento musical é de balde, tal e como indicaron dende a organización.