O ALCALDE ENTREGOU UNS AGASALLOS A TRES FUNCIONARIOS QUE SE XUBILAN E DOUS QUE CUMPREN 25 ANOS DE SERVIZO NO CONCELLO
O rexedor local, José Manuel Blanco, e a primeira tenente de alcalde, Marián Ferreiro, reuníronse cos homenaxeados no despaxo do alcalde
Narón, 15 de setembro de 2017. O alcalde de Narón, José Manuel Blanco, e a primeira tenente de alcalde, Marián Ferreiro, reuníronse con cinco funcionarios municipais no despacho do rexedor para entregarlles un agasallo con motivo da súa xubilación, en tres casos, e do cumprimento de vinte e cinco anos de servizo no Concello, no doutros dous. Estes últimos, José Piñón Rego e Armando Rebollar Casal, recibiron de mans de Blanco unha figura de artesanía, mentres que Manuel Freire Díaz, José Gómez Fortuna e Soledad Rivas López, que pasan á condición de xubilados, tiveron como agasallo un reloxio.
Blanco e Ferreiro agradeceron aos homenaxeados o traballo que realizaron no Consistorio naronés e, no caso das tres persoas que se xubilan, desexáronlles tamén que desfrutasen desta nova etapa nas súas vidas.