CHARLA ABERTA SOBRE A FACTURA DA LUZ A TRAVÉS DA INICIATIVA "VENRES DE CONSUMO RESPONDE"
O Instituto Galego de Consumo e Competencia impulsa esta iniciativa que se constitúe con carácter de permanencia e que se inaugurará o vindeiro 18 de marzo
Narón, 16 de marzo de 2022. A Escola Galega de Consumo impulsa a través do Instituto Galego de Consumo e Competencia a iniciativa “Venres de consumo responde” con motivo da celebración do Día mundial dos dereitos dos consumidores. Esta convocatoria, tal e como indicaron, créase con vocación de permanencia e consistirá en celebrar todos os venres ás 12.30 horas charlas abertas nun aula virtual de consumo dunha temática para que a cidadanía poida consultar as súas dúbidas.
Este mesmo venres terá lugar a primeira, sobre a factura da luz e que se poderá ver a través do enlace: https://xunta.webex.com/xunta/j.php?MTID=m661955a35c96485afd522a09b6164c8, debendo premer no mesmo e unha vez dentro da plataforma do Instituto Galego de Consumo e da Competencia acceder como convidado, tal e como apuntaron.