SUSPENDIDA A REPRESENTACIÓN DE "VOAXA E CARMÍN" PREVISTA PARA O 29 DE OUTUBRO NO PAZO DA CULTURA
A posta en escena desta comedia trasladouse, por motivos alleos ao Padroado da Cultura de Narón, ao vindeiro 1 de novembro
Narón, 28 de outubro de 2016. Representantes da produtora da obra teatral "Voaxa e Carmín" suspenderon a representación prevista para o 29 de outubro no Pazo da Cultura, programada para as 20.00 horas. Por motivos alleos ao Padroado da Cultura, a comedia, da compañía Butaca Zero, poderase ver o 1 de novembro ás 19.00 horas no Pazo.
Aquelas persoas que xa adquiriran a entrada poderán cambiala na billeteira do Pazo ou, no caso de consideralo oportuno, solicitar o importe da mesma, que lles será reembolsado.