O CONCELLO ILUMINARÁ MAÑÁ DE COR VERDE A GLORIETA DE FREIXEIRO CON MOTIVO DO DÍA MUNDIAL DO ALZHEIMER
A cidade conmemora esta data conxuntamente coa Asociación de Familiares de Enfermos de Alzheimer para dar visibilidade e sensibilizar a esta poboación
Narón, 20 de setembro de 2022. O Concello colaborará un ano máis coa Asociación de Familiares de Enfermos de Alzheimer (AFAL) na conmemoración do Día Mundial do Alzheimer. Mañá ás 20.30 horas iluminarase de cor verde a glorieta de Freixeiro, destacando así a cor indicada dende a Confederación Española de Alzheimer (Ceafa).
Dende o Consistorio apóstase conxuntamente con AFAL por dar visibilidade e sensibilizar á poboación sobre a realidade das demencias, que afectan a millóns de persoas en todo o mundo.