Narón, 11 de outubro de 2022. A Consellería de Política Social anunciou que unha das unidades móbiles do programa “Coidados porta a porta” regresará de novo á cidade o vindeiro mes de novembro, concretamente o venres 18 e tamén os días 21 e 22 do mesmo mes. Trátase dunha iniciativa que ofrece á veciñanza servizos de balde de estimulación da memoria, podoloxía e audioloxía e que está destinado a persoas maiores de 55 anos. A unidade móbil estará operativa durante as tres xornadas mencionadas en horario de 9.00 a 20.00 e ubicarase nas inmediacións do novo centro de saúde. As persoas interesadas en acudir a estas consultas poden solicitar cita previa ou máis información chamando aos números de teléfono 622 748 283 ou 623 546 992, así como no correo electrónico: coidadosportaaporta.politicasocial@xunta.gal.