Narón, 2 de xaneiro de 2023. Unha unidade móbil da Axencia de Doazón de Órganos e Sangue (ADOS) estará o vindeiro luns, día 8, na cidade, concretamente nas inmediacións do centro comercial Odeón, na entrada posterior localizada na rúa Cataluña, na Gándara. O vehículo permanecerá operativo en horario de mañá, de 9.30 a 14.30 e tamén pola tarde, de 15.30 a 21.00 horas. As persoas que acudan a doar sangue a primeira hora deben almorzar pola mañá e no caso de facelo despois de xantar ao mediodía, esperar dúas horas para facelo. Así mesmo, deben levar a tarxeta de doante, o DNI ou un documento similar e informar ao médico se se está tomando algún medicamento. Dende ADOS informouse que as persoas que queiran consultar posibles dúbidas sobre a doazón de sangue e a localización das unidades móbiles poden chamar, de balde, ao número de teléfono 900 100 828.