MINUTO DE SILENCIO ANTE O CONCELLO COMO MOSTRA DE PESAR E SOLIDARIEDADE COAS VÍTIMAS DO INCENDIO DE VALENCIA
A alcaldesa, Marián Ferreiro, secundou a convocatoria xunto con outros edís da corporación local e persoal municipal
Narón, 26 de febreiro de 2024. A alcaldesa, Marián Ferreiro, acudiu hoxe xunto con edís da corporación local e persoal municipal, entre outras persoas, ao acto do minuto de silencio convocado a través da Federación Española de Municipios e Provincias, como mostra de pesar polas dez persoas falecidas no incendio do barrio de Campanar, en Valencia, e as súas familias, así como para amosar a solidariedade e desexar pronta recuperación ás persoas feridas e aquelas que resultaron afectadas polo mesmo perdendo os seus fogares.
O tráxico suceso rexistrouse na tarde do pasado xoves e afectou a un bloque de dous edificios, nos que residían preto de 140 familias.