O Concello destina un total de 25.400 € a estas colaboracións, durante o ano 2011.
Narón, 1 de Xullo de 2011.- O Alcalde de Narón, Xosé Manuel Blanco, asinou hoxe sete convenios de colaboración con entidades sociais e culturais por importe total de 25.400 euros. A este respecto, o rexedor sinalou que a pesares de que a aportación municipal reduciuse en relación ó ano anterior, “estamos orgullosos como Concello de poder continuar con estas colaboracións, e agardamos poder sair da crisis económica e ampliar as axudas”. Neste senso, o Alcalde lembrou que o Concello de Narón investirá neste ano 2011 perto de 1.100.000 euros en convenios con entidades.
A relación de convenios asinados e os programas que se realizarán ó abeiro dos mesmos é a seguinte:
-Asociación de economía social Briante. 3.000 €. Desenvolvemento de programas de orientación laboral e apoio ó pequeno comercio.
-Colexio Rural Agrupado (CRA) de Narón. 1.900 €. Colaboración en materia de ensino.
-Asociación de Veciños de O Couto. 5.000 €. Desenvolvemento do programa “Tempo de música”, e apertura do Mosteiro do Couto para visitas –mínimo 6 horas á semana-.
-Asociación da Terceira Idade de Pedroso. 2.500 €. Programas culturais e deportivos dirixidos ás Persoas Maiores.
-Asociación Cultural Areosa. 5.000 €. Realización de actividades coma a festa do socio, o Certame de Habaneras, os Maios, o Magosto, o Festival de Panxoliñas, Canto coral, maratón de lectura no Día do Libro, e Antroido.
-Asociación Solidaridade Galega co Pobo Saharaui. 5.000€. Para o programa estival de acollida de nenos/as sarahauis –un mínimo de 6 e un máximo de 10- “Vacacións en paz”.
-Fundación Artabria. 3.000 €. Desenvolvemento do Festival da Terra e da Lingua, na área recreativa do muiño de Pedroso.
Na firma dos convenios, o Alcalde estivo acompañado polas delegadas das áreas correspondentes ós distintos convenios: Catalina García (Concelleira de Acción Social e Participación Cidadá), Natalia Hermida (Concelleira de Mocidade e Deportes), Mª del Mar Gómez (Concelleira de Emprego e Formación Laboral) e Mª del Carmen Espada (Concelleira de Ensino).