Co obxectivo de darlle a difusión á cidadanía do novo servizo creado en 2015, intentarase resumir da mellor maneira os principais cometidos que se encadran dentro das funcións deste SPEIS.

Servizo integral de xestión de emerxencias, con operatividade 24 horas durante todo o ano, cuxa función é a de xestionar as emerxencias que se produzan no termo municipal e, por conseguinte, as que afecten a bens e persoas residentes no propio termo municipal.

Os servizos de prevención, extinción de incendios e salvamento.

Os servizos de protección civil.

Aqueles outros asignados por Alcaldía.

Partindo das funcións básicas que todo servizo de emerxencias debe ter (previsión, prevención, planificación, intervención e rehabilitación) dado o seu carácter integral, este servizo ten capacidade de xestión total baixo o prisma interdisciplinar do seu cadro de persoal. Atendendo a este punto e dado que este servizo tamén xestiona a protección civil municipal, existe capacidade real para xestión de emerxencias naturais, tecnolóxicas e todas aquelas que afecten tanto á poboación como aos espazos naturais do termo municipal.

Funcións propias do salvamento e rescate, a extinción de incendios en todas as súas vertentes, a atención de emerxencias baixo supostos climatolóxicos adversos, a xestión de eventos públicos baixo a directiva de protección civil e plans específicos e a xestión e planificación da autoprotección municipal.

Servizo composto por tres escalas funcionais:

• Executivo co grao de inspector.
• Técnico cos graos de oficiais.
• Operativa cos graos de sarxentos, cabos e bombeiros-condutores.
• Persoal de apoio integrado por:
  • Persoal de administración para a xestión administrativa e RRHH do servizo.
  • Persoal de mantemento co grao de supervisión e revisión de equipos propios do servizo.
  • Persoal de apoio para labores diarios.

O servizo posúe unha estrutura funcional composta por 23 efectivos distribuídos nas distintas escalas.

Atendendo á tipoloxía de intervencións que este servizo debe atender, dispón das seguintes unidades operativas, todas elas dotadas cos materiais apropiados e específicos para acometer con seguirdade e eficacia os labores para os que están construídas:

• Vehículo de 1ª intervención (bomba urbana lixeira).
• Vehículo de 2ª intervención (bomba forestal lixeira).
• Vehículo de apoio hidráulico (bomba nutriz lixeira).
• Vehículo de apoio técnico e loxístico (vehículo de taller con dotación funcional multidisciplinar).
• Vehículo de rescate en altura operativa de 32 metros (autoescala extensible automática)
• Vehículo de rescate en altura operativa 20 metros e zonas de difícil accesibilidade (autoescala extensible automática).
• Vehículo de xestión e dirección de emerxencias (unidade de mando e xefatura).
• Vehículo de prevención e inspección (unidade vinculada ao servizo de prevención).
• 2 vehículos de xestión e protección civil (AVPC).