Narón, 24 de Outubro de 2013.- O Alcalde de Narón, José Manuel Blanco, e a representante de Aspaneps (Asociación de Pais de Nenos con Problemas Psicosociais), Mercedes Fano Veiga, asinaron un convenio de colaboración en materia de acción social. Acompañándoos na firma tamén estivo presente a Concelleira de Acción Social de Narón, Catalina García. O acordo ten unha vixencia anual (2013) e o obxetivo do mesmo é o desenvolvemento dun programa de intervención social, a través dos proxectos de “Intervención Familiar” e “Intervención coa Infancia en Risco Psicosocial”. Así, a través deste convenio ofrecerase asistencia educativa a familias multiproblemáticas con dificultades para levar adiante a función socializadora dos seus fillos. Tamén apoiarase ás familias nos diferentes ciclos vitais polos que atravesan e nas etapas críticas do desenvolvemento do/a neno/a. Por último se levará a cabo unha atención socioeducativa a nenos/as con necesidades educativas especiais para a adquisición de habilidades e destrezas psicosociais que posibiliten a súa integración na sociedade. Aspaneps tamén comprométese a participar nos programas de educación familiar que se impartan en Narón. O Concello de Narón fará unha achega de 15.000 euros para levar a cabo as actuacións recollidas neste convenio.