Narón, 30 de Decembro de 2013.- O Alcalde accidental, Guillermo Sánchez Fojo, e a Concelleira de Turismo, María Rodríguez Porto, entregaron hoxe os tres premios correspondentes ó IV Concurso de Fotografía Turística ‘Cidade de Narón’. Trátase de galardóns en metálico, que xuntos suman a cantidade de 1.200 euros. A relación de premiados é a seguinte: 1º premio (750€): Jose Luis Botana Pérez (Ferrol) cunha imaxe do Vestíbulo do Pazo da Cultura de Narón. 2º premio (300€): José Manuel Ferreiro Otero (Narón) cunha imaxe do Muiño das Aceñas. 3º premio (150€): Juan Luis Rúa Prieto (A Coruña) cunha imaxe da Praia de O Casal. O xurado tivo que elexir entre máis de 150 fotografías presentadas ó concurso, que tiña como obxectivo plasmar o patrimonio monumental e arqueolóxico, e os espazos naturais de interese, de lecer, culturais, tecnolóxicos ou festas populares. As imaxes presentadas ó certame respetaron estas temáticas na súa maioría, recollendo lugares de interese coma a Ponte de Xuvia, os muiños, o Río Xuvia, e celebracións tradicionais coma a recreación das Lendas da Pena Molexa ou o Oenach Atlántico. Tamén foron seleccionadas outras 10 fotografías que compondrán (xunto coas tres premiadas) o calendario do ano 2014, que editará a Concellería de Turismo e que estará a disposición dos vecinos de Narón a partires de xaneiro, de xeito gratuito.