Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO E A ASOCIACIÓN PARKINSON FERROLTERRA ASINAN UN CONVENIO EN MATERIA DE ACCIÓN SOCIAL
O acordo permitirá atender a pacientes de Narón, ofrecéndolles atención fisioterapéutica, logopédica e psicolóxica.
Narón, 11 de Novembro de 2014.- O Alcalde de Narón, José Manuel Blanco, e o presidente da Asociación Parkinson Ferrol-Ferrolterra, Gerardo González Casal, asinaron hoxe un convenio de colaboración en materia de acción social, acompañados pola concelleira da área, Catalina García. Con este convenio se axudará económicamente ó desenvolvemento do programa anual desta asociación, que presta servizos de fisioterapia, logopedia, rehabilitación cognitiva, intervención psicolóxica, e ós grupos de axuda mutua, investigación, información e divulgación. Así, o Concello de Narón realizará unha achega anual de 2.000 euros, e a entidade Parkinson Ferrol-Ferrolterra ofrecerá atención ós veciños deste municipio con esta doenza, nos seguintes ámbitos: -Servizo de intervención fisioterapéutica -Servizo de intervención logopédica -Servizo de rehabilitación cognitiva -Servizo de intervención psicolóxica -Grupos de axuda mutua entre familiares, investigación e divulgación das características e contextos xerados pola enfermidade O presidente de Parkinson Ferrol-Ferrolterra agradeceu ó Concello de Narón “o apoio que nos veñen dando dende sempre, e gustaríame que outros concellos da comarca tivesen a mesma sensibilidade” indicou Gerardo González, recordando a este respecto a celebración do partido de fútbol sala benéfico (celebrado en Narón na primavera) co cal se recadaron outros 500€. O Alcalde de Narón indicou, pola súa parte, que o Concello está aportando a cantidade que lle é posible e que no ano 2015 manterase a mesma subvención. Asimesmo, a Concelleira de Acción Social fixo un chamamento a outros concellos de Ferrolterra para que colaboren na medida das súas posiblidades, para axudar ó mantemento dunha asociación que aínda que ten utilidade pública, apenas recibe fondos doutras administracións.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal