Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO DESVELA A PROGRAMACIÓN DE ACTIVIDADES E FESTAS PARA CELEBRAR O NADAL 2014
Haberá propostas para tódalas idades, a mayoría delas de carácter gratuito e solidario.
Narón, 17 de Decembro de 2014.- O Concello de Narón acolleu hoxe a presentación das Festas de Nadal 2014, nas que colaboran as concellerías de Festas, Turismo, Acción Social, Promoción Social, Policía Local e Emerxencias Narón. Os eventos festivos se estenderán dende o 20 de decembro ata o 5 de xaneiro, con actividades para tódalas idades, dende a xente máis nova ata os maiores. Así, as festas comezarán este sábado 20 de decembro coa celebración da 6ª Xornada Moteira Solidaria, a 4º Concurso de Debuxo e a 1ª Ruta Ciclista de Nadal. O horario destas propostas lúdicas, para cuxa participación se pide ir vestido de papanoel ou con disfraz, é o seguinte: -Ás 16:00 horas comezará a Ruta Moteira con saída dende a Praza de Galicia, pasando por diferentes zonas do Concello (recolleranse xoguetes e alimentos non perecedeiros que serán entregados ás persoas e familias máis necesitadas). -Ás 16:30 horas se celebra a Marcha Ciclista Familiar, que sairá da Praza de Galicia e percorrerá a Estrada de Castela ata o apeadeiro de FEVE en Xuvia. Neste lugar os moteiros e ciclistas recibirán a Papa Noel e o acompañarán ata a Praza de Galicia. Para participar é imprescindible inscribirse a través da páxina web do Concello, e acudir disfrazado á marcha. -Ás 17:30 horas terá lugar a recepción de Papa Noel a cargo das autoridades municipais, e a partir desa hora os nenos/as poderán sacar fotos con el, e disfrutar de xogos infantís, agasallos e entrega de premios do IV Concurso de Debuxo Nadal 2014. Todas estas actividades estarán amenizadas na Praza de Galicia polos DJ’S Dreamers. Tamén haberá bailes latinos a cargo de ‘Salsa Nova’ e unha sesión de spinning organizada polo ximnasio Benny Gym . Asimesmo, servirase café e chocolate para paliar o frío. Esta xornada está organizada polo Motoclub Fojeteiros e cóntase coa colaboración das concellerías de Turismo e Festas, a Policía Local de Narón, Emerxencias Narón e o Centro de Recursos Solidarios (CRS). Ó día seguinte, domingo 21 de decembro, celebrarase o V Mercado de 2ª Man de Sedes, en horario de mañá e tarde, e con entrada de balde. Neste espazo, ó igual que en edicións anteriores, poderanse mercar todo tipo de obxectos para a casa, xoguetes e roupa en bo estado a prezos máis que asequibles. De xeito complementario, ofrecerase unha degustación de callos picantes a tódolos asistentes, que tamén poderán disfrutar visitando unha exposición de radios antigas. Unha vez pasada a Noiteboa, o venres 26 de decembro volverán as actividades lúdicas á Praza de Galicia co Festival Solidario contra a Polio ‘Roteiros de Narón’, organizado polo Club de Rotarios de Narón. A súa representante, Luz Gen, explicou hoxe que actualmente só existen tres países no mundo nos que se padece a polio, e o obxectivo de iniciativas coma ésta é a erradicación total da enfermidade. No Festival Solidario actuarán tres grupos musicais: Los Zares, Los Truenos e Parranda La Nuestra. A cita comenzará ás 21:00 horas, e as entradas poderanse mercar ó prezo de 5€ na taquilla que se instalará ese día na Praza de Galicia, ou ben nos centros comerciais de Narón. A continuación, o sábado 27 de decembro no Centro Comunitario Manuela Pérez Sequeiros terá lugar o Festival de Cantigas Populares, no que intervirán diferentes corais e tamén usuarios do propio centro, que están a preparar este evento con enorme ilusión. A entrada é gratuita. Como tódolos anos, o día 31 de decembro celebrarase a tradicional Festa de Fin de Ano na Praza de Galicia, baixo carpa climatizada e con entrada de balde. Está prevista a actuación da Orquestra Aché, DJ Donper e Imperium Road Show. E para celebrar a chegada dos Reis Magos, tamén na Praza de Galicia haberá un Festival de Reis os días 3 e 4 de xaneiro, con actividades para os máis pequenos da casa. Xa o día 5 de xaneiro, ó igual que o ano pasado, as Súas Maxestades de Oriente chegarán a Narón nunha Cabalgata Solidaria que conta coa participación de asociacións de veciños dos barrios e parroquias do municipio, e cuxos beneficios irán destinados ó Centro de Recursos Solidarios. As entidades e veciños/as interesados en participar poderán informarse nos teléfonos 699 308 647 e 628 215 716. Tamén se poden seguir os preparativos na páxina de Facebook ‘prazasvivas’.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal