Narón, 27 de Xaneiro de 2015.- A Concelleira de Acción Social de Narón, Catalina García, ven de ofrecer os datos das aportacións realizadas durante a Campaña de Nadal con destino ó Centro de Recursos Solidarios (CRS) de Narón. Como se recordará, o sábado 3 de xaneiro celebrouse a I Xornada Solidaria de Fútbol Sala a beneficio do CRS, organizada polo Club Cidade de Narón de Futsal, na que a entrada era un kilo de alimentos. Neste evento recadáronse 1.000 kilos de alimentos. Dous dias despois, na Cabalgata Solidaria promovida polo Concello, xuntáronse un total de 2.500 kilos de alimentos co mesmo destino. Ademáis, dende a Concellería de Acción Social de Narón, realizouse unha aportación de 10.500€ ó Centro de Recursos Solidarios para a Campaña de Nadal, repartidos da seguinte maneira: -Aceite e leite (4.000€) -Produtos de farmacia (4.500€) -Material escolar (2.000€) A Concelleira de Acción Social, Catalina García, agradeceu hoxe a solidariedade de toda a xente que colaborou con esta entidade, que presta servizo a tódalas persoas de Narón e comarca que o precisen. “Quero agradecer á xente a súa colaboración e a súa solidariedade co Centro de Recursos Solidarios cada vez que se convoca unha campaña de recollida” indicou a edil, engadindo que “as portas do centro están abertas todo o ano para continuar recollendo aportacións”.