Concello de Narón
  • Concello de Narón
  • El tiempo en Narón
  • Entrada a Naronmail
Noticias
ABERTO O PRAZO DE INSCRIPCIÓN PARA PARTICIPAR NO PROGRAMA DE EDUCACIÓN AMBIENTAL "CORREDOIRA VERDE 2008"
Narón, 28 de Abril de 2008.- A Concellería de Medio Ambiente acaba de abrir o prazo de inscripción para participar no Programa de Educación Ambiental e Divulgación Etnográfica “Corredoira Verde 2008”, que terá lugar entre os meses de Maio e Setembro deste ano, e está dirixido a nenos -a partires dos 10 anos de idade- e maiores. As inscripcións poden realizarse no Rexistro Xeral do Concello, de luns a venres en horario de 9 a 13 horas, cubrindo un formulario cos datos persoais. O prezo por persoa é de 11,45 euros e inclúe a participación nas 13 rutas organizadas –aloxamento e manutención, aparte-. O programa Corredoira Verde iniciouse no ano 1990, e na edición do 2007 xa congregou a 366 participantes. A iniciativa consiste en trazar rutas que percorren Narón, A Coruña e Galicia en xeral e sirven para descubrir o patrimonio monumental, natural, paisaxístico, antropolóxico-cultural, lúdico e humano do noso concello, e de Galicia. Nestea no 2008, os roteiros do programa atravesarán areas costeiras e cuncas fluviais da nosa terra, segundo explicou o Concelleiro de Medio Ambiente, Manuel Ramos. Esta nova edición está adicada ós ríos e océanos, e o calendario previsto é o seguinte: -Día 3 de Maio: Aldea Nova-Forcadas-Vilarrube. -Día 10 de Maio: Mugardos-Ares: Costa de Bezoucos. -Día 24 de Maio:Praia Lopesa e Praia de Pantín. -Días 31 de Maio e 1 de Xuño: Vilar de Barrio (Ourense) -Día 7 de Xuño: do Río Xuvia ó Río Belelle polos muiños. -Día 14 de Xuño: Castelo de San Felipe-Covas. -Día 21 de Xuño: Río Xallas. -Día 28 de Xuño: Teixido-Cariño-Ortigueira. -Días 5 e 6 de Xullo: Quiroga (Lugo). -Día 12 de Xullo: Mariña Lucense: Foz. -Día 6 de Setembro: Costa de Pontedeume-Perbes. -Día 13 de Setembro: Camiño Vello de Teixido a Xuvia. -Día 20 de Setembro: Ruta corredoira verde-Narón. Este programa está coordinado polo Servizo Sociocomunitario Municipal, impulsado polas concellerías de Medio Ambiente e Cultura de Narón.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal