Concello de Narón
  • Concello de Narón
  • El tiempo en Narón
  • Entrada a Naronmail
Noticias
O I ENCONTRO LOCAL DA MOCIDADE DE NARON CONGREGOU NA PRAZA DE GALICIA A DIVERSOS COLECTIVOS XUVENÍS
Realizaron demostracións de freeride, graffitis, música, malabares, patinaxe, moda e capoeira.
Narón, 9 de Xuño de 2008.- A Concelleira de Mocidade e Participación Cidadá de Narón, Natalia Hermida Rico, destacou o éxito de participación no primeiro Encontro Local da Mocidade “Enlomos”, que se celebrou o pasado 7 de Xuño na Praza de Galicia, en horario de 10 a 20 horas. O evento organizado polo Concello de Narón reuníu a un centenar de xóvenes que realizaron demostracións das actividades que practican a cotío no municipio, e que son as seguintes: freeride, graffitis, música, malabares, patinaxe, moda, e capoeira. O Encontro da Mocidade tivo lugar na Praza de Galicia, nun escenario ó aire libre no que se habilitaron espazos diferenciados para cada unha das demostracións. “Resulta importante para nos facer este evento aquí, porque nestes tempos de videoconsolas e Internet, pretendemos dende o Concello que os mozos/as recuperen as prazas públicas como lugar de encontro e intercambio de experiencias”, sinalou Natalia Hermida na presentación do Encontro ante os medios de comunicación. A Concelleira de Mocidade resaltou tamén o feito de que as administracións “deben estar ó servizo das persoas e non ó revés. Nese sentido resulta crucial o compromiso do Concello por favorecer as actividades que promovan a participación cidadá, facilitando o encontro e o diálogo entre os xóvenes”, declarou. Hermida recordou tamén que nos últimos tempos, Narón tense convertido “nun concello en crecemento, dinámico e plural. Somos un municipio cun crecemento vexetativo positivo, ademáis dun municipio de acollida no que a xente xoven ten moito que decir”. A actividade estivo dirixida a xóvenes con idades comprendidas entre os 14 e os 30 anos, especialmente a aqueles que se atopan na franxa de idade entre os 16 e os 23 anos.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal