José Manuel Blanco deixará oficialmente a Alcaldía de Narón, tras vinte e catro anos na política municipal, nun pleno extraordinario que se celebrará o 23 de setembro
Narón, 19 de setembro de 2017. O alcalde de Narón, José Manuel Blanco, presentou esta mañá no Rexistro municipal do Concello o escrito de renuncia á súa condición de rexedor. O secretario xeral do Consistorio, Alfonso de Prado, foi o encargado de recepcionar o documento, estando tamén presentes nese momento a primeira tenente de alcalde, Marián Ferreiro, e o secretario xeral de TEGA e tamén concelleiro naronés Guillermo Sánchez Fojo, entre outros edís.
A renuncia de Blanco ao cargo oficializarase no pleno municipal que se celebrará o vindeiro sábado, día 23, ás 12.00 horas no Concello. O alcalde porá fin a trinta e catro anos de traballo no Concello de Narón, donde os oito últimos exerceu como rexedor local e anteriormente presidiu varias concellerías.