Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
INICIO DO PROGRAMA MUNICIPAL CAMIÑO ESCOLAR SEGURO NO COLEXIO PONTE DE XUVIA
INICIO DO PROGRAMA MUNICIPAL CAMIÑO ESCOLAR SEGURO NO COLEXIO PONTE DE XUVIA
Un total de 171 alumnas e alumnos do centro realizaron o control da súa chegada a través dunha pulseira tras chegar ao centro camiñando, en bicicleta ou en patinete
Narón, 26 de xaneiro de 2018. O programa municipal Camiño Escolar Seguro iniciouse hoxe no CEIP Ponte de Xuvia. Trátase do segundo colexio da cidade en implantar esta iniciativa, que aposta por fomentar que as nenas e nenos vaian a pé cara ao centro escolar, en bici ou en patinete. Esta práctica lévase a cabo no CEIP Piñeiros desde mediados do pasado ano. Hoxe 171 alumnas e alumnos de Primaria do Ponte de Xuvia, do total de 197, paráronse nalgún dos dous puntos de control instalados no centro para rexistrar a súa chegada. O concelleiro de Seguridade Cidadá e Transporte Público, Guillermo Sánchez Fojo, desprazouse esta mañá ao colexio con motivo do inicio da súa posta en marcha, comprobando que a xornada transcurriu con total normalidade. "O masivo respaldo ao programa Camiño Escolar Seguro constata o éxito desta proposta municipal, impulsada a través do equipo de Educación Viaria do Concello e á que se suma a práctica totalidade do alumnado dos centros nos que se vai implantando, co que para nós é toda unha satisfacción ver a colaboración tanto da comunidade educativa como das familias”, subliñou Sánchez Fojo.
Os menores camiñan polas rutas preestablecidas ata o centro, que no caso do CEIP Ponte de Xuvia son: en dirección Ferrol a Xuvia desde a rotonda de Megasa (na estrada de Castela) ata o centro, e pola outra marxe do vial desde a Praza de San Roque ata o colexio. “Esta mesma andaina será a que realicen os escolares do colexio Jorge Juan que a partir do vindeiro luns, día 29, poderán participar neste programa”, avanzou Sánchez Fojo.
A Asociación de Comerciantes de Narón colabora tamén nesta proposta. Ao longo dos Camiños Escolares Seguros atópanse varias “tendas amigas”, que respaldan a seguridade de cada itinerario e ofrecen colaboración ás nenas e nenos. Unha vez que chegan ao colexio os menores rexistran a chegada no punto de control e automaticamente os seus pais e nais reciben unha mensaxe no seu teléfono móbil informándoos da hora exacta na que “ficharon” no centro. Por cada día que realicen esta rutina recibirán unha “pegada”, que a modo de punto se poderá canxear por descontos ou agasallos en establecementos colaboradores –o listado pódese consultar a través do enlace: http://www.comerciodenaron.es/paxinas/pegadas.php. Entradas para espectáculos no Pazo da Cultura, mochilas, material de papelería, xoguetes, calzado ou gafas de sol forman parte dos agasallos aos que optan os escolares.
Sánchez Fojo destacou a colaboración das concellerías implicadas nesta proposta, ademáis da de Seguridade Cidadá as de Cultura, Ensino e Novas Tecnoloxías e explicou que “o sistema de control de chegada complementa o programa Bica e Arrinca, que tamén funciona con éxito en varios colexios da cidade e que pretende evitar a presencia masiva e continuada de vehículos ás portas dos centros educativos á hora da entrada dos menores, co conseguinte perigo que pode supoñer”. O edil agradeceu a axuda de tódalas persoas que colaboran e, en especial, da comunidade educativa, e avanzou que “nos vindeiros meses continuaremos traballando para que este tipo de iniciativas a prol da seguridade se implanten en máis colexios da nosa cidade”.



Últimas novasu Tódalas novas

<<< Setembro 2020 >>>

LMMXVSD
 
1
2
4
5
6
7
8
9
11
12
13
16
18
19
20
22
23
25
26
27
28
29
30
 
Eventos do Concello
   
 
Concello de Narón - Aviso legal