Narón, 4 de maio de 2018. O Pazo da Cultura acollerá esta tarde e mañá –ás 20.30 e 20.00 horas respectivamente- a representación da obra teatral A Leituga, da compañía Eme2. María Vázquez, Anonio Durán “Morris”, Federico Pérez, José Barato e Mercedes Castro forman o elenco desta peza, dirixida por Víctor Duplá. A Leituga está protagonizada por cinco familiares, tres que son irmáns e as parellas de dous. A historia desenvólvese na casa da irmá maior, donde se reúnen para celebrar o aniversario do pai, que leva en coma nove anos. Todo comeza ben pero a medida que avanza a celebración xorden os problemas ao abordar o tema de quen se fai cargo do pai. Este conflito familiar, enfocado como unha comedia, fala de temas como a dignidade humana, o dereito á vida e á morte e a lealdade familiar, entre outros. As entradas, á venta na billeteira do Pazo e na web do Padroado –www.padroadodecultura.es- teñen un prezo de 9,50 euros para o público xeral e de 6,65 para abonados, desempregados, e persoas con carné xove ou de estudante (ata 25 anos).