Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO DESTINA 60.000 EUROS Á SINATURA DE CONVENIOS CON ENTIDADES DE ÁMBITO SOCIAL
O alcalde accidental, Guillermo Sánchez Fojo, rubricou no Consistorio os acordos cos representantes de Aspaneps, Nuestra Señora de Chamorro, AFAL, Dignidad, Cogami e Cruz Roja
Narón, 24 de agosto de 2018. O alcalde accidental, Guillermo Sánchez Fojo, asinou esta mañá un total de seis convenios de colaboración con outras tantas entidades das áreas de Acción Social e Promoción Social. As concelleiras responsables dos citados departamentos, Catalina García e Teresa Sabio, respectivamente, acudiron á convocatoria, que tivo lugar ás 12.00 horas no Consistorio naronés. En conxunto o goberno local destinará unha partida de 60.000 euros a colaborar con Aspaneps, a Asociación Nuestra Señora de Chamorro, AFAL, Dignidad, Cogami e Cruz Roja. En representación de Aspaneps acudiu á convocatoria Juan Luis Dapena, que asinou o documento polo que a entidade percibirá 17.000 euros para atender ás nenas e nenos con problemas psicosociais e desenvolver programas de apoio ao colectivo e ás súas familias, a prol do seu benestar persoal e da súa integración socio-educativa. A presidenta da Asociación Nuestra Señora de Chamorro, Concepción Lage, asinou tamén un convenio, neste caso por importe de 12.000 euros, que se destinarán a traballar con persoas afectadas de discapacidade intelectual, física ou sensorial e a impulsar programas como Fadas, de atención ao colectivo. Así mesmo, Ana María López asinou o convenio de AFAL Ferrolterra, por importe de 6.000 euros e para atender a persoas con demencias neurodexenerativas e ás súas familias, con actividades programadas no Centro de día de AFAL para o colectivo e as súas familias. En representación da asociación Dignidad acudiu á convocatoria María Dolores Romero, que rubricou un convenio no que se contempla unha contía de 9.000 euros para atender a persoas con escasos recursos económicos ou en risco de exclusión social. Anxo Antón Queiruga, en representación de Cogami, asinou un convenio por importe de 6.000 euros para levar a cabo unha acción social encamiñada a mellorar a participación social das persoas beneficiarias e o seu desenvolvemento autónomo, mellorando así as súas posibilidades de inserción laboral. Por último, en representación de Cruz Roja, asinou o convenio, valorado en 10.000 euros, Diego Iglesias, co fin de prestar desde a entidade servizos e realizar actividades no termo municipal naronés. O alcalde accidental e as concelleiras naronesas destacaron a labor que estas seis entidades realizan día a día con diferentes colectivos e amosaron a súa disposición a continuar apoiando a labor que realizan na cidade e tamén noutros concellos da comarca.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal