Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO CONMEMORA O DÍA MUNDIAL DA POESÍA CUN RECITAL POÉTICO NA BILBIOTECA MUNICIPAL
A proposta terá lugar o 21 de marzo, a partir das 19.30 horas, na planta soto das instalacións, tal e como recordou a concelleira de Bibliotecas, Mercedes Taibo
Narón, 20 de marzo de 2019. O Concello celebrará mañá, coincidindo co 21 de marzo, o acto central do Día mundial da poesía, que terá lugar na Biblioteca municipal. O grupo poético Moraima deleitará ao público con esta actividade, que consistirá nun recital poético aberto á cidadanía en xeral e que dará comezo ás 19.30 horas, tal e como recordou a concelleira de Bibliotecas, Mercedes Taibo. A edil naronesa convidou á veciñanza a asistir a esta convocatoria, para desfrutar do recital. Na planta soto da Biblioteca abrirá o recital a escritora e mestra Aurora Varela, que estará acompañada, entre outros, polos tamén escritores e poetas Antón Cortizas, Francisco Pérez, Juan Carlos Valle e Francisco Vila, ademais doutros representantes do colectivo Moraima. A maiores, a actividade contará con música en directo, que nesta ocasión correrá a cargo de Eugenia Sanmartín e Julia María Dopico. A edil naronesa recordou que as persoas que esta semana –ata o sábado- se acheguen á Biblioteca municipal recibirán como agasallo un poema, que poderán recoller na sala de infantil e na de adultos (nos respectivos mostradores). Ofrécese ademais con motivo do Día mundial da poesía a oportunidade de participar –ata o vindeiro venres- noutra proposta da Biblioteca, neste caso a través dunha rede social, Facebook (Biblioteca Pública Municipal de Narón), donde se poderán rematar estrofas de varios poemas escritos en galego e en castelán.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal