O CONCELLO ACOLLERÁ UN PLENO EXTRAORDINARIO PARA DESIGNAR AOS PRESIDENTES E VOGAIS DAS MESAS ELECTORAIS DO 28 DE ABRIL
A sesión na que se realizará o sorteo para nomear aos integrantes das mesas electorais terá lugar o 1 de abril
Narón, 26 de marzo de 2019. O vindeiro 1 de abril celebrarase no Concello un pleno extraordinario no que se procederá a realizar o sorteo para nomear aos presidentes, vogais primeiros e segundos e os respectivos suplentes para as 47 mesas electorais que se habilitarán no municipio –en dezasete colexios electorais- de cara aos comicios xerais do vindeiro 28 de abril.
As persoas que resulten seleccionadas recibirán unha notificación persoal nos seus domicilios. No caso de que non poidan ocupar o posto o día 28 de abril deberán comunicalo e xustificalo ante a Xunta Electoral de Zona de Ferrol, no edificio do Xulgado, na rúa Coruña.