Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
A ALCALDESA PRESIDIU O ACTO INAUGURAL DO "I CONGRESO INTERNACIONAL ON YOUR BIKE!"
A ALCALDESA PRESIDIU O ACTO INAUGURAL DO
A cita, na que participan alumnado e profesorado de Narón, de colexios de Noruega, Finlandia, Turquía e Portugal, xunto co Concello naronés e o CFR de Ferrol, tivo lugar no Pazo da Cultura
Narón, 10 de abril de 2019. Algo máis de 120 escolares de centros educativos de Narón, Noruega, Finlandia, Turquía e Portugal asistiron esta mañá á primeira edición do Congreso Internacional On your bike! O Café Teatro do Pazo da Cultura acolleu o acto inaugural, ás 10.30 horas, no que participou a alcaldesa da cidade, Marián Ferreiro. A rexedora local trasladoulles aos asistentes, entre os que tamén se encontraba persoal docente e do Centro de Formación e Recursos de Ferrol, a súa satisfacción por poder acompañalos novamente hoxe nesta iniciativa do programa europeo On your bike! O Concello de Narón participa, a través do CFR de Ferrol, xunto cos colexios plurilingües Virxe do Mar e Ponte de Xuvia e o CEIP da Solaina.
A alcaldesa destacou a importancia de que a través dun evento como o celebrado hoxe no Pazo “poderemos coñecer un pouco máis o traballo que realizades en materia de educación viaria nos vosos centros, compartíndoo con nós, e tamén ver o que nestes últimos anos se avanzou en Narón nesta área”. Ferreiro recordou algúns dos últimos programas e iniciativas impulsados desde o Concello de Narón, como os Camiños Escolares Seguros, os circuítos de educación viaria, os tapices educativos ou o programa Bica e Arrinca. Finalmente, na súa intervención, a rexedora local animou aos estudantes e docentes europeos a continuar gozando desta semana de actividades e lecer na cidade.
Trala intervención da alcaldesa falaron os integrantes do equipo de Educación Viaria do Concello naronés, Pedro Caneiro e Sonia López, que resumiron o traballo que se leva realizando na cidade nesta área nos últimos doce anos para, a continuación, proxectar un vídeo con parte das actividades dos últimos anos nos centros educativos de Narón. O alumnado dos colexios de Finlandia e Noruega foi o seguinte en presentar o seu traballo nos respectivos vídeos antes dunha pequena pausa para, a continuación, proxectar os realizados polos centros de Portugal e Turquía.
Nun dos descansos do Congreso os asistentes realizaron unha visita guiada polas instalacións do Pazo da Cultura.
O programa inclúe a maiores unha visita mañá ao CEIP Plurilingüe Ponte de Xuvia, donde amosarán comidas e vestimentas propias de cada país participante neste programa e realizarán un percorrido en bicicleta polo paseo de Xuvia e ata o estanque de mareas, en Neda. O venres desprazaranse ao CEIP Plurilingüe Virxe do Mar, donde participarán nunha xincana de habilidade e colaborarán no deseño dun circuíto de educación viaria no propio centro.



Últimas novasu Tódalas novas

<<< Outubro 2019 >>>

LMMXVSD
 
1
2
3
4
5
6
7
8
9
10
12
13
14
15
16
17
18
19
20
21
22
23
24
25
26
27
28
29
30
31
 
Eventos do Concello
   
 
Concello de Narón - Aviso legal