Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
MÁIS DUN MILLEIRO DE PERSOAS PARTICIPARÁN O VENRES NA "XII MARCHA CICLISTA ESCOLAR"
MÁIS DUN MILLEIRO DE PERSOAS PARTICIPARÁN O VENRES NA
Os estudantes sairán dos centros escolares pola mañá en dirección ao paseo de Xuvia, donde estarán ata as 12.45 horas
Narón, 1 de maio de 2019. Uns 1.300 escolares de centros de ensino do municipio, da Asociación Nuestra Señora de Chamorro e tamén estudantes do colexio Maciñeira, do veciño municipio de Neda, participarán o venres, día 3, na duodécima edición da “Marcha Ciclista Escolar” organizada polo Concello de Narón. Acompañarán aos rapaces e rapazas persoal das Anpas dos centros, pais e nais e colectivos de voluntarios, que realizarán o percorrido dende os centros ata o paseo marítimo de Xuvia e o de regreso aos colexios.
De Narón sumáronse un ano máis a esta convocatoria os centros Ponte de Xuvia, Jorge Juan, Piñeiros, O Feal, A Gándara, Santiago Apóstol, A Solaina, Ayala e Virxe do Mar, a maiores do centro Virxe de Chamorro e do colexio Maciñeira. O percorrido organizouse por grupos, atendendo á ubicación dos diferentes centros, de xeito que o primeiro, formado polo Ponte de Xuvia, Jorge Juan e Maciñeira partirá ás 10.15 horas ata a zona do Ponto, donde se unirán os participantes do colexio de Piñeiros. Os rapaces e rapazas procedentes do colexio do Feal e do centro Nuestra Señora de Chamorro uniranse ao grupo de Xuvia. O segundo grupo, formado polo Virxe do Mar, Ayala e A Solaina sairá ás 10.15 horas para dirixirse ao aparcadoiro do Pazo da Cultura e o terceiro, da Gándara e o Santiago Apóstol, sairá ás 10.20 horas tamén en dirección ao aparcadoiro do Pazo, donde se reagrupará co grupo 2. Todos eles se dirixirán ao paseo marítimo de Xuvia, a onde entrarán pola rúa Xoán XXIII, estando prevista a chegada sobre as 11.30 horas.
Os mozos e mozas reporán forzas con algo de comida e bebida á súa chegada a Xuvia, para regresar de novo nas súas bicicletas aos colexios sobre as 12.45, tras un pequeño descanso que aproveitarán cos seus compañeiros e compañeiras.
O equipo de Educación Viaria de Narón organiza un ano máis esta Marcha Ciclista Escolar, na que colaboran as Anpas dos centros, persoal do Moto Club Fojeteiros, dos clubs ciclistas MTB Eskornabois e Clásicos BikeWorks, o ximnasio Beny Gym, o Centro Comercial Narón e os hipermercados Gadis e Froiz.
Dende a organización solicitan de antemán desculpas á cidadanía polas posibles molestias que poida ocasionar temporalmente na circulación rodada o paso dos rapaces e rapazas nas súas bicicletas por algunhas rúas de Narón.



Últimas novasu Tódalas novas

<<< Agosto 2019 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
   
 
Concello de Narón - Aviso legal