Narón, 24 de xullo de 2019. O Padroado da Cultura ten á venda as últimas entradas para ver a terceira función da comedia "Unha noite na Praia", que terá lugar o día 15 de setembro ás 19.00 horas. Os cómicos galegos Xosé Antonio Touriñán e Carlos Blanco protagonizan esta obra, que tamén se representará no Pazo os días 13 e 14 de setembro –funcións para as que as entradas se esgotaron hai varios meses-. As entradas para esta terceira función poden adquirise na billeteira do Pazo de luns a venres, en horario de 9.00 a 14.00, e na web do Padroado da Cultura –www.padroadodecultura.es- a un prezo de 18 euros para o patio de butacas; 15 euros na platea 1 e 12 euros na platea 2. Os cómicos galegos Xosé Antonio Touriñán e Carlos Blanco protagonizan esta obra, na que interpretarán a Klaus e Manuel, poñéndose na pel dun galego que traballa nun chiringuito e quere marchar para a súa casa tras un día axetreado e un turista sueco que non quere marchar da praia e pide a última cervexa, momento no que empeza a contarlle as súas penas ao galego. Finalmente os dous acaban facéndose unha serie de confesións e compartindo anécdotas, recordos e soños, deixando entrever que se trata de dúas persoas totalmente opostas.