Narón, 2 de outubro de 2019. O mentalista español Toni Bright subirase o vindeiro sábado, día 5, ao escenario do Pazo co espectáculo de mentalismo e maxia “Toni Bright, volver a creer, magia de la mente”, dirixido a todo tipo de públicos. A cita será ás 20.00 horas e as entradas dispoñibles teñen un prezo de 12 euros para o público xeral e de 8 para menores de 11 anos, podendo adquirirse na billeteira do Pazo ou na web do Padroado da Cultura. Toni Bright naceu en Alacante e é un apaixoado do mundo do mentalismo, donde está considerado como un dos profesionais con máis prestixio do país. Percorreu co seu traballo gran parte dos teatros nacionais, donde deu a coñecer ante o público o poder da mente e tamén levou os seus espectáculos á grandes canles de radio e televisión. No Pazo da Cultura o mentalista Toni Bright interactuará co público asistente durante a hora e media que durará este espectáculo.