Narón, 20 de abril de 2021. O Pazo da Cultura acollerá este xoves, día 22, a presentación do libro “Cosal: Comité de solidariedade con América Latina. Unha experiencia solidaria en Ferrolterra 1979-1995”. A alcaldesa da cidade, Marián Ferreiro, acudirá á convocatoria, que dará comezo ás 19.30 horas e con entrada libre ata completar o aforo. O director técnico do Padroado da Cultura, Luciano Fernández, presentará o acto, no que intervirán os autores da publicación, Antón Blanco, Xaquín Ros e Anxo Ferreiro. O Concello de Narón colaborou na edición deste libro, no que se recollen diversas experiencias solidarias con países de América Latina nas que se implicaron, entre outros, concellos de Ferrolterra como o de Narón. Na publicación figuran varios actos e mostras de solidariedade que se levaron a cabo dende o Consistorio naronés, que continúa apoiando diversas causas en países desfavorecidos a través de varias entidades.