Narón, 2 de novembro de 2021. O Boletín Oficial do Estado (BOE) de onte publica unha resolución do Concello de Narón sobre a convocatoria para proveer un total de dez prazas mediante sistema de concurso oposición en turno libre. O concelleiro de Persoal, Pablo Mauriz, explicou que as persoas interesadas en formar parte do procedemento dispoñen dun total de vinte días naturais –contados dende hoxe- para presentar as solicitudes. En total convocase unha praza de Técnico/a de Normalización Lingüística, outra de Traballador/a social, unha de Técnico/a informático/a, outra de Axente de Desenvolvemento Local; unha de Animador/a sociocultural, outra de Administrativo/a, unha de Auxiliar administrativo, outra de Orientador/ora laboral e dúas de peón de limpeza e desinfección de gando. No Boletín Oficial da Provincia (BOP) dos días 25 e 28 de xuño, 22 de xullo, 24 de agosto e 9 de setembro están publicadas íntegramente as bases do concurso oposición, en turno libre.