O acto está aberto á asistencia do público xeral ata completar a capacidade da sala
Narón, 9 de febreiro de 2022. A Biblioteca municipal acollerá este venres, día 11, a presentación do libro “El acertijo de Anat”, da escritora Stephanie Olwen. A cita terá lugar ás 19.00 horas na sala multiusos da sala soto das citadas instalacións municipais, tal e como avanzou a edil de Bibliotecas, Mercedes Taibo.
O libro, publicado pola editorial Caligrama, conta a historia dunha moza de orixe exipcia chamada Anat, que se ve involucrada nunha serie de acontecementos que a levan a descubrir a súa verdadeira identidade. Enoch, un misterioso home, e outros individuos, guiarana no seu camiño para que leve a cabo unha misión: liberar á Terra do mal ao que está sometida.
O acto está aberto á asistencia do público xeral ata completar a capacidade da sala.