Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO E A ASOCIACIÓN DE COMERCIANTES DE NARÓN ORGANIZAN UNHA NOVA EDICIÓN DE ANIMA RÚA
O concelleiro de Promoción Económica, David Pita, presentou o evento acompañado por Susana Oreona e Alva Dopico, secretaria e tesoureira, respectivamente, da Asociación de Comerciantes de Narón
Narón, 20 de maio de 2022. O concelleiro de Promoción Económica, David Pita, Susana Oreona e Alba Dopico, secretaria e tesoureira, respectivamente, da Asociación de Comerciantes de Narón, presentaron unha nova edición, a segunda, de Anima Rúa, unha proposta encamiñada a dinamizar o comercio local e que se desenvolverá o vindeiro sábado, día 28, na Praza da Gándara. O edil naronés recordou que a proposta se enmarca na campaña municipal “Merca en Narón. Facemos cidade” e animou á veciñanza a acudir para desfrutar do completo programa de actos que se desenvolverá en horario de mañá e tarde. Alumnado das academias de baile All Dance e CompArte realizará exhibicións ás 12.15 e 13.15 horas respectivamente e ás 13.45 terá lugar o concerto de Ainai (tributo a Bob Marley), para continuar o programa ás 14.15 con outro concerto, nese caso de Isma Taboada. A música continuará centrando a programación da tarde, a partir das 15.00, co contacontos musicado de Música Miúda, para retomala ás 15.45 horas con RockSchool. A continuación, tal e como avanzaron dende a organización, haberá unha exhibición do club de patinaxe CPAX Eiriz, ás 17.15 horas, e ás 17.45 será o turno da academia de música 2Plicas. As representantes da ACN indicaron que se sortearán con cargo a esta iniciativa 450 paraugas, 90 ao día –un por cada establecemento asociado- e catro vales de experiencias, valorados cada un en 250 euros. Os paraugas sortearanse nos propios comercios, cos tickets de compra, e os vales o propio sábado na Praza da Gándara, ás 18.45 horas, donde se sortearán tres, se ben o cuarto entregarase a través das redes sociais. Para obter toda a información pódese consultar a web: www.comerciodenaron.com.

<<< Agosto 2022 >>>

LMMXVSD
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
www.naron.es