Narón, 28 de setembro de 2010.- O Concello de Narón aprobou onte unha Declaración Institucional acordada na Xunta de Portavoces, a instancias do BNG quen presentou unha moción de apoio á folga xeral do 29 de setembro. Os representantes dos grupos políticos do BNG e TEGA votaron a favor desta convocatoria, mentras que o PSOE se abstivo e o PP votou en contra. Finalmente, o Concello secundará a Folga Xeral prevista para o vindeiro mércores 29 de setembro, mantendo os servizos mínimos obrigatorios nos edificios municipais. Así, na Casa Consistorial estará disponible 1 traballador por pranta para calqueira asunto de interese que puidera xurdir durante esa xornada. O Rexistro Municipal permanecerá aberto de 8:30 a 13:00 horas.