Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO PROMOVE ACTIVIDADES CULTURAIS, GASTRONÓMICAS E LÚDICAS PARA CELEBRAR O ENTROIDO 2014
Haberá un concurso gastronómico nos establecementos de hostelería, o tradicional Festival de Comparsas do Pazo da Cultura, a 10ª Festa do Cocido de A Gándara e un tapeo do entroido en bici.
Narón, 20 de Febreiro de 2014.- O Concello de Narón celebrará o Entroido 2014 cunha semana repleta de actividades culturais, lúdicas e gastronómicas. A programación de actividades que se desenvolverán durante estos días (do 27 de febreiro ó 5 de marzo) foi presentado hoxe en rolda de prensa polo Concelleiro de Promoción Económica, Pablo Villamar, e o Concelleiro de Cultura, Guillermo Sánchez Fojo. Tamén participaron na rolda de prensa as Concelleiras de Turismo, María Rodríguez Porto, e Festas, Mª del Mar Gómez, xunto co tesoreiro da Asociación de Veciños de A Gándara, Juan Muiño. “Queremos recuperar as tradicións, disfrutar do carácter lúdico e turístico do Entroido, e tamén contribuir a darlle unha inxección económica ó comercio e á hostalería”, indicou o Concelleiro de Promoción Económica, Pablo Villamar. A programación de actos para celebrar o Entroido 2014 é a seguinte: -Narón Gastronómico, do 27 de febreiro ó 5 de marzo. Concurso gastronómico de degustación gratuíta de tapas elaboradas con produtos típicos do Entroido. Xunto coa consumición, as tapas poderán degustarse nun total de 29 establecementos de hostalería (bares, mesóns e restaurantes). Ademáis, haberá premios para establecementos (un xurado elixirá as tres mellores tapas e os seus creadores recibirán premios económicos) e clientes (sorteo de 5 ceas para dúas persoas nos locais adheridos). -Comparsas na rúa, o xoves 27 de febreiro e o sábado 1 de marzo (logo do festival) -10ª Festa do Cocido de A Gándara, o sábado 1 de marzo na Casa da Mocidade. O xantar estará composto por sopa, lacón, orella, chourizo, costela, grelos, garbanzos, patacas, pan, e viño ou auga. Sobremesa: torradas de anís e café. As comparsas animarán a sobremesa ata as 17:00 horas, que sairán en desfile cara ó Pazo da Cultura. Prezo: 13 € para socios e 16 € para non socios. O aforo é limitado (500 persoas), e as entradas poderán retirarse ata o sábado 22 de febreiro no local social de A Gándara, de 18 a 20 horas. -Festival de Comparsas, o sábado 1 de marzo no Pazo da Cultura de Narón, a partires das 18:00 horas. As invitacións son de balde e poderán retirarse nas billeteiras do Pazo a partir do luns 24 de febreiro. Daranse un máximo de 4 invitacións por persoa. -Tapeo do entroido en bici, o domingo 2 de marzo. Farase un percorrido en bicicleta, no que os ciclistas poderán ir disfrazados ou ben disfrazar a súa bici. A saída será ás 11:00 horas da Avenida de Cataluña (xunto ó CC Odeón) e chegarase ás 14 horas ó mesmo punto. Ó longo de tres horas, realizaranse diversas paradas en establecementos de hostalería para degustar as tapas participantes no Entroido Gastronómico de Narón. Relación de locais que participan no Entroido Gastronómico 2014: Zona Urbana: A Parrillada do Mercado, Bar O Faro, Bar Ortegal, Bar Terra-Chá, Cervecería Australian, Cervecería El Mercado, Cervecería Indalo, Cervecería New Orleans, Cervecería O Druída, Cervecería O Paseo, Estrela do Ponto, Excellsior, Gastrobar Piñeiros, La Barra de Oro, Mesón O Alecrín, Mesón O Fogar, Mesón O Perdidiño, Mesón O Pío, O Petisco, O Recanto, Restaurante Fortunato, Romero II, e Vinatería Philadelphia. Zona rural: Café Bar Marinito, Restaurante 3 Pes, Restaurante A Trasanquesa, Casa Pendás, Romero I, e Xatova.

<<< Agosto 2022 >>>

LMMXVSD
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
www.naron.es