Narón, 6 de Maio de 2014.- A Concelleira de Acción Social de Narón, Catalina García, entregou hoxe os diplomas correspondentes ó ‘Curso de Auxiliar de Monitor de Tempo Libre’, organizado pola Asociación Hispano-Ecuatoriana Rumiñahui, entidade coa que o Concello de Narón ten un convenio de colaboración. O curso foi desenvolvido no mes de decembro de 2013, no sótano da Biblioteca Municipal do Alto, cun total de 40 horas de duración. Participaron 13 alumnos/as de diversas nacionalidades (Ecuatorianos, Senegaleses, Cubanos e Colombianos) e foi impartido pola delegada da Asociación Rumiñahui en Ferrolterra, Soledad Lucero. Ó longo deste tempo, os asistentes recibiron formación en pedagoxía e psicoloxía infantil nas diferentes etapas do neno/a, ademais de destrezas en globoflexia, manualidades e xogos do mundo. O curso serviu para potenciar as habilidades que teñen estas persoas, co fin de permitirlles unha integración real no mercado laboral.