Tense colocado 6 novos elementos de ximnasia activa. Esta actuación forma parte dun plan de mellora de parques infantís e biosaludables, que comenzou no ano 2014.
Narón, 14 de Xaneiro de 2015.- A Concellería de Servizos de Narón, dirixida polo edil Pablo Mauriz, ven de poñer a punto o parque biosaludable do barrio de A Solaina. Neste espazo público téñense instalado 6 novos elementos de ximnasia activa, substituíndo así ós anteriores, que se atopaban deteriorados polo paso do tempo.
O orzamento desta intervención ascende a 8.200€, no que se inclúen tamén outros dous elementos de ximnasia activa que se colocaron nos parques biosaludables de Xuvia e Freixeiro respectivamente.
Estas obras forman parte do plan de posta a punto de parques infantís e biosaludables, promovido polo Concello de Narón e que conta cun orzamento anual de 90.000€. Cabe destacar que este municipio dispón dun parque por cada 580 veciños/as.