A XOVE BANDA DE NARÓN ACTUARÁ NO LOCAL DA POMBIÑA CON MOTIVO DA FESTIVIDADE DE SAN JOSÉ
A actividade enmárcase nun convenio co Padroado da Cultura de Narón e dará comezo o 19 de marzo ás 19.00 horas
Narón, 18 de marzo de 2016. A Xove Banda de Narón, da Asociación Cultural Musical Sementeira, actuará mañá, a partir das 19.00 horas, no local da Sociedade Cultural e Recreativa “A Pombiña”, na parroquia de Pedroso. Así o anunciou a vicepresidenta do Padroado da Cultura e concelleira da área, Marián Ferreiro, que recordou que esta actividade –enmarcada nun convenio entre a citada asociación musical e o Padroado- se desenvolve desde hai xa dúas décadas nesta parroquia naronesa para conmemorar a festividade de San José, Día do Pai.
A Xove Banda de Narón intégrana na actualidade cincuenta nenos e nenas de entre nove e dezaoito anos, todos eles formados nas Escolas de Música de Sementeira, cuxas clases se imparten a través do Padroado da Cultura en virtude ao citado convenio.