O cambio nos horarios de apertura estará vixente ata o 17 de setembro
Narón, 21 de xuño de 2016. A Biblioteca municipal de Narón comezará a funcionar co horario de verán a partir do vindeiro 27 de xuño e ata o 17 de setembro. As instalacións abrirán as súas portas durante as mañáns dos martes, mércores, xoves e venres de 9.00 a 14.00 horas e as tardes dos luns e mércores de 18.00 a 21.00, tal e como apuntou a concelleira de Bibliotecas, Mercedes Taibo.
Así mesmo, a edil indicou que os servizos de atención ao público que se prestan nas citadas instalacións –préstamos, devolucións, consultas, altas de socios, renovación de carnés, etc.- e a sala de informática deixarán de estar operativos quince minutos antes da hora de peche da Biblioteca, pechando ás 13.45 e ás 20.45 horas.