A Corporación Municipal e os traballadores do Concello de Narón concentráronse este mediodía diante da Casa Consistorial para gardar cinco minutos de silencio, sumándose ó chamamento da Federación Galega de Municipios e Provincias (FEGAMP), en repulsa dos últimos atentados da organización terrorista ETA en Ondarroa, Vitoria e Santoña da pasada fin de semana. O Goberno Municipal expresou a súa rotunda condena do asasinato do brigada Luis Conde de La Cruz, e o total apoio e a solidaridade para a súa familia e ás do resto das vítimas, agardando unha pronta recuperación dos feridos.