As instalacións permanecerán abertas ata o vindeiro 28 de setembro nun novo horario, tal e como indicou a concelleira de Turismo, Natalia Hermida
Narón, 17 de setembro de 2018. A Oficina de Turismo localizada no Parque do río Freixeiro cambiará a partir de mañá o seu horario de apertura. A concelleira responsable da área, Natalia Hermida, indicou que permanecerá aberta desde mañá ata o vindeiro venres, día 21, entre as 16.00 e as 20.00 horas; o sábado 22, de 10.00 a 14.00 e desde as 16.00 ata as 19.00, e o domingo 23 de setembro estará pechada.
Así mesmo, a edil informou de que o servizo, que se mantén operativo desde principios do pasado mes de xuño, permanecerá aberto do 24 ao 28 deste mes de 10.00 a 14.00 horas e o día 29 xa non funcionará. Dúas persoas contratadas a través da bolsa de emprego municipal encárganse de atender a Oficina de turismo de Narón, desde donde se ofrece información e material sobre o concello de Narón e tamén do destino turístico Ferrolterra-Rías Altas.