Concello de Narón
  • Concello de Narón
  • El tiempo en Narón
  • Entrada a Naronmail
Noticias
A COMPAÑÍA DE VÍCTOR ULLATE PROTAGONIZARÁ O VINDEIRO SÁBADO NO PAZO O ESPECTÁCULO DE BALLET CARMEN
O espectáculo comezará ás 20.00 horas e aínda poden adquirirse entradas na billeteira do Pazo ou a través da web do Padroado da Cultura -www.padroadodecultura.es-.
Narón, 5 de novembro de 2018. O bailarín, coreógrafo e director de espectáculos de danza Víctor Ullate traerá o vindeiro sábado, día 10, ao Pazo da Cultura o espectáculo de ballet Carmen, a partir das 20.00 horas. Martina Giuffrida e Cristian Oliveri daranlle vida á protagonista desta proposta e tamén a Don José, nunha versión de Carmen que espertará o interese do público asistente. As entradas, á venda na billeteira do Pazo da Cultura e na páxina web do Padroado da Cultura de Narón –www.padroadodecultura.es- teñen un prezo de 28 euros para o público xeral e de 19,60 para abonados, desempregados e persoas con carné xove ou de estudante (ata 25 anos). Esta nova proposta, tal e como indican desde a compañía de Víctor Ullate, alónxase dos tópicos e máis dun século despois da súa estrea, aposta por dar máis luz ao personaxe de Carmen a través dunha nova ollada que respecta a esencia da historia orixinal. Carmen é unha muller fatal, seductora, coqueta e apaixoada que se ve encorsetada na sociedade en que vive e quere fuxir. É unha muller con dobre vida, que durante o día loce o seu glamour e polas noites convírtese nunha scort, unha muller ávida de aventuras. A inclusión do personaxe da morte como fío condutor e das amigas de Carmen, que a acompañan e aconsellan, son dúas das novidades deste espectáculo. A compañía Víctor Ullate Ballet, fundada por Víctor Ullate, estrela internacional da danza, cumpre este ano o seu trixésimo aniversario.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal