Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO INICIA OBRAS PARA A MELLORA DE EFICIENCIA ENERXÉTICA NA ZONA DO ALTO
A alcaldesa destacou que a execución dos traballos previstos suporá ás arcas locais un investimento que ronda os 200.000 euros
Narón, 23 de xullo de 2019. O Concello executa estes días traballos de mellora de eficiencia enerxética na Finca de Arzúa e noutras zonas do Alto do Castiñeiro. A alcaldesa, Marián Ferreiro, indicou que as obras en execución suporán ás arcas locais un investimento que ronda os 200.000 euros e subliñou que “con cargo a estas actuacións en marcha mellorarase notablemente a iluminación de varias rúas e prazas localizadas nestas dúas zonas da cidade”. Así mesmo, a alcaldesa destacou “o aforro que suporán os traballos en canto ao menor consumo da tecnoloxía led e a reducción das avarías das antigas luminarias” e destacou tamén “a importancia de diminuír tamén a contaminación derivada das emisións de CO2 á atmósfera”. No que respecta á mellora da eficiencia enerxética na zona da Finca de Arzúa, hoxe mesmo un equipo de operarios traballa nas luminarias da Praza Botánico Rodríguez Dacal e nas rúas Santa Tecla, A Torre, A Garda, O Rosal, O Grove, Cangas, Tui e San Carlos. Neste caso, indicou Ferreiro “estímase unha redución no consumo con respecto á actualidade dun 72%, o que se traduce nunha baixa da factura no consumo enerxético nesta área duns 5.500 euros”. En total dotarase de tecnoloxía led a 240 luminarias dese núcleo urbán. En canto ás actuacións en execución na zona do Alto, lévanse a cabo tamén nas inmediacións do Pazo da Cultura, nas rúas da Urbanización Ciudad Europa e en Gales, Domirón, Eire, Rafael Bárez, San Xosé Obreiro, Reis Magos, Manuel Antonio e outros viais. Neste caso a actuación levarase a cabo en 209 luminarias e a estimación de aforro no consumo ascende, tal e como indicou a alcaldesa, a uns 11.000 euros, tendo en conta unha redución no consumo, en conxunto, dun 82%. Os traballos previstos nesta zona inclúen a maiores dotar de iluminación ao parque infantil localizado ao final da rúa Italia. “En conxunto, coas actuacións que xa se levaron a cabo noutros puntos da cidade, como é o caso do barrio de Xuvia, estaríamos falando dun aforro anual ás arcas locais duns 100.000 euros unha vez que se rematen os traballos de implantación da tecnoloxía led”, subliñou Marián Ferreiro.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
naron.gal