Narón, 27 de setembro de 2019. Un total de dezaseis axentes da Policía Local de Narón e tres traballadoras sociais do Concello asistiron o pasado mércores e onte a un curso de "Intervención policial en violencia de xénero" que se impartiu nas instalacións do Servizo de Prevención, Extinción de Incendios e Salvamento (Speis) de Narón, no polígono de Río do Pozo. A Academia Galega de Seguridade Pública as pautas e os protocolos establecidos para estas situacións que lamentablemente organizou esta convocatoria. O concelleiro de Seguridade Cidadá, Román Romero, destacou a importancia que ten este tipo de formación “en canto que permite ofrecer uns coñecementos de gran utilidade á hora de actuar ante situacións de violencia de xénero, atendendo ás vítimas seguindo se producen na nosa sociedade”. A perspectiva de xénero, os delitos en violencia de xénero, a atención psicolóxica á vítima da violencia e a intervención policial en violencia de xénero foron os contidos abordados nas sesións, que se impartiron en horario de mañá e tarde. O obxectivo deste curso é, tal e como indicaron dende a organización, adquirir coñecementos básicos sobre o tratamento policial das vítimas de violencia de xénero, ao tempo que sobre os protocolos de actuación policial na materia e reforzar a formación nesta área dos efectivos policiais de tódolos Corpos de Policías Locais de Galicia.