Narón, 5 de marzo de 2020. O Concello de Narón acollerá o vindeiro luns, día 9, un pleno extraordinario, ás 12.00 horas, no que se procederá a realizar o sorteo dos integrantes das mesas electorais das eleccións ao Parlamento de Galicia que se celebrarán o vindeiro 5 de abril. A través do procedemento habitual, mediante un sorteo informático, designaranse os presidentes, vogais e dous suplentes para cada unha das 47 mesas coas que contará o municipio. As persoas seleccionadas recibirán unha notificación do Concello no seu domicilio habitual. Na mesma indicaráselles o procedemento a seguir no caso de que consideren oportuno presentar reclamacións ante a Xunta Electoral de Zona –no xulgado de Ferrol-, así como dos prazos estipulados para este fin.