Narón, 8 de maio de 2020. A alcaldesa de Narón, Marián Ferreiro, transmitiu publicamente hoxe no seu nome e no do resto da corporación local e persoal funcionario e laboral do Concello, o máis sentido pésame ao Secretario Xeral do Concello, Alfonso de Prado Fernández-Canteli, tralo falecemento do seu pai, Francisco de Prado Secades, aos 94 anos, en Oviedo. Un pésame que fixeron extensivo para os seus outros tres fillos, María Luz, Covadonga e Francisco, así como para o resto de familiares e amizades de Francisco de Prado. Na comisión da crise do coronavirus celebrada esta mañá gardouse un minuto de silencio para unirse ás condolencias, trasladándolle o pésame a Alfonso de Prado, tal e como tamén se fixo durante a sesión da Xunta de Portavoces cos voceiros de todos os grupos políticos da corporación local.