Narón, 03 de agosto de 2020. A través da concellería de Benestar Social, dirixida por Catalina García, o Concello pon en marcha dende o día de hoxe ate o día 30 de setembro un servizo de axuda para as veciñas e veciños, empadroados en Narón, que precisen realizar solicitudes para acadar o Ingreso Mínimo Vital IMV. García informou de que haberá duas persoas, con Grado en Educación Social, que levarán a cabo o servizo de información, asesoramento e orientación nos trámites de solicitude para as peticións que así o demanden polas posibles dificultades de manexo nas cuestións telemáticas ou de interpretación que poidan encontrar as persoas interesadas ao cumplimentar as solicitudes pertinentes. O servizo levarase a cabo no edificio municipal da Casa da Mocidade, na Gándara, en horario de luns a venres, de 9.00 a 14.00 horas e os martes de 16.00 a 21.00 horas, con cita previa chamando ao teléfono 622155806 ou a través do correo electrónico naronrentaminimavital@gmail.com