Narón, 2 de decembro de 2020. As persoas que desexen asistir presencialmente ou vía telemática ao foro sobre “A produción marisqueira na ría” que se celebrará este venres, día 4, no Café Teatro do Pazo da Cultura poden aínda anotarse no correo electrónico: promocioneconomica@naron.es ou chamando ao número de teléfono 981 377 700 (extensión 1316). A cita terá lugar de 17.30 a 18.30 horas e na mesma intervirán profesionais do sector. A mariscadora Rocío Arnoso falará sobre “Un traballo a pé de praia”, se ben o biólogo da Confraría de Barallobre, Joám Luís Ferreiro, abordará o tema de “A ría de Ferrol, unha riqueza descoñecida” e o xefe da Estación de Bioloxía Mariña da Graña, Guillermo Díaz-Agras, falará das cualidades de “Unha ría única”. A convocatoria, organizada polo Concello de Narón dende a área de Promoción Económica, á fronte da que está o edil David Pita, está patrocinada polo Grupo de Acción Pesqueira Golfo Ártabro Norte, a Consellería do Mar e o Fondo Europeo Marítimo de Pesca.